बुधबार, बैशाख ८, २०७८
  • होमपेज
  • समाचार
  • प्रजातान्त्रिक दलबीच एकता अपरिहार्य : नेता पौडेल

प्रजातान्त्रिक दलबीच एकता अपरिहार्य : नेता पौडेल

  • शुक्रबार, चैत्र १३, २०७७
प्रजातान्त्रिक दलबीच एकता अपरिहार्य : नेता पौडेल

मोरङ, चैत १३-

नेपाली कांग्रेसका वरिष्ठ नेता रामचन्द्र पौडेलले संसदीय प्रजातान्त्रिक पद्धतिमाथि चौतर्फीरुपमा आक्रमण भइरहेको अहिलेको अवस्थामा यसलाई बचाउन प्रजातान्त्रिक दलबीच आपसी एकता अपरिहार्य रहेकामा जोड दिनुभएको छ । विराटनगर विमानस्थलमा आज सञ्चारकर्मीसंँगको कुुराकानीमा उहाँले सङ्घीय लोकतन्त्र र जनताको बलिदानबाट निर्माण गरिएको संविधान जोगाउनु नै अहिले महत्वपूर्ण कार्य रहेको बताउनुभयो ।

वरिष्ठ नेता पौडेलले वर्तमान अवस्थामा संविधान र लोकतन्त्रलाई भत्काउने विभिन्न किसिमका षड्यन्त्र भइरहेकाले त्यसबाट मुुलुुकलाई जोगाउन सबै दललाई आग्रह गर्नुभयो । उहाँले सबै राजनीतिक दलबीच आपसी सहमतिमा सरकारको विकल्प खोज्ने गरी छलफल एवं गृहकार्य जारी रहेको औँल्याउनुभयो । नेता पौडेलले आफ्नो पार्टीबाट वर्तमान सरकारविरुद्ध अविश्वासको प्रस्ताव नल्याउने बताउँदै अहिलेको अवस्थामा सत्तालाई प्राथमिकतामा नराखिएको स्पष्ट गर्नुभयो । रासस

Facebook Comments

सम्बन्धित समाचार