बुधबार, बैशाख ८, २०७८
  • होमपेज
  • समाचार
  • रघुजी पन्तविरुद्ध कोमल वलीद्वारा गाली बेइज्जती मुद्दा दायर

रघुजी पन्तविरुद्ध कोमल वलीद्वारा गाली बेइज्जती मुद्दा दायर

  • मङ्लबार, फाल्गुन २५, २०७७
रघुजी पन्तविरुद्ध कोमल वलीद्वारा गाली बेइज्जती मुद्दा दायर

काठमाडौँ, फागुन २५ रासस

काठमाडौँ जिल्ला अदालतमा सांसद कोमल वलीले नेपाल कम्युनिष्ट पार्टी (एमाले) का नेता रघुजी पन्तविरुद्ध इज्जतमा धक्का पु¥याएको जनाउँदै गाली बेइज्जती मुद्दा दायर गर्नुभएको छ । अदालत पुगेर राष्ट्रियसभा सदस्य वलीले आज गाली बेइज्जतीविरुद्धको मुद्दा दिनुभएको हो ।
वलीले दिएको फिरादपत्रमा नेता पन्तले आफ्नो व्यक्तिगत चरित्र हत्या गरेको उल्लेख छ । फिरादपत्रमा भनिएको छ, “मेरो इज्जतमा धक्का पु¥याउने नियतले वा धक्का पुग्न सक्छ भन्ने जानीजानी मेरो व्यक्तिगत चरित्र, आचरण, नैतिकता वा ख्यातिलाई होच्याउने गरी गाली बेइज्जती र चरित्र हत्या भएको छ ।”

मुलुकी अपराधसंहिता, २०७४ को दफा ३०५ ९१०, ९२० कसूरबमोजिमको सजायँका साथै विद्युतीय माध्यमबाट गरेको हुँदा थप एक वर्ष कैद र रु दश हजार जरिवानासमेत गरी हदैसम्मको सजायको माग (नेकपाएमाले)का नेता पन्तविरुद्ध गरिएको छ ।
कसूरको गम्भीरता र प्रतिष्ठामा पर्न गएको असर तथा विद्युतीय तथा अन्य आमसञ्चारमाध्यमबाट भएको बेइज्जती आदि विचार गरी मनासिब क्षतिपूर्ति तथा मुद्दामा लागेको खर्चसमेत विपक्षीबाट भराई पाऊँ भन्ने मागसमेत फिरादपत्रमा गरिएको छ ।
पूर्वमन्त्री पन्तले यही फागुन १५ गते राजनीतिक दलको कार्यक्रममा वलीप्रति लक्ष्य गर्दै उहाँले कसरी सांसद पद पाएको भन्ने अभिव्यक्ति दिनुभएको थियो । एक अनलाइन पत्रिकामा भने पन्तले माफी मागिसक्नुभएको छ ।

Facebook Comments

सम्बन्धित समाचार